پی ٹی سی ایل کا زیر زمین کیبل خراب درجنوں کنکشن بند

ٹھٹھہ میں 20 روز قبل پی ٹی سی ایل کا زیر زمین کیبل فنی خرابی کے باعث جل گیا تھا جس کی وجہ سے 200 کے قریب لوگوں کے ٹیلیفون نمبر بند پڑے ہوئے ہیں۔ فوٹو: فائل

---

پی ٹی سی ایل کے زیر زمین کیبل میں خرابی کے باعث درجنوں صارفین کے ٹیلیفون کنکشن بند۔

تفصیلات کے مطابق ٹھٹھہ میں 20 روز قبل پی ٹی سی ایل کا زیر زمین کیبل فنی خرابی کے باعث جل گیا تھا جس کی وجہ سے 200 کے قریب لوگوں کے ٹیلیفون نمبر بند پڑے ہوئے ہیں۔



مگر ابھی تک اس خرابی کو دور نہیں کیاجاسکا اور صارفین کو دشواری کا سامنا کرنا پڑرہا ہے۔ صارفین کا کہنا تھا کہ ہم روزانہ پی ٹی سی ایل کے دفاتر کے چکر لگاتے رہتے ہیں ہمیں کہا جاتا ہے کہ خرابی جلد دور کردی جائیگی لیکن نتیجہ صفر ہے۔انھوں نے پی ٹی سی ایل انتظامیہ سے مطالبہ کیا ہے کہ ٹھٹھہ کے بند کنکشن فوری طور پر کھلوائے جائیں۔