برطانوی تحقیقاتی ایجنسیوں نے منی لانڈرنگ کیس کے سلسلے میں2خیراتی اداروں کوبھی شامل تفتیش کرلیا ہے اور تحقیقات میں امریکا اورکینیڈا سے بھی مدد مانگ لی ہے۔

میڈیارپو رٹ کے مطا بق ایک تنظیم کے رہنمائوں کے زیر انتظام چلنے والے ان خیراتی اداروںکے بینک اکائونٹس اوردوسرے ریکارڈ کی چھان بین کی جارہی ہے۔

ذرائع کا کہناہے کہ تفتیشی حکام کوشبہ ہے منی لانڈرنگ کیلیے ان خیراتی اداروں کو استعمال کیا گیا ہے ان میں سے ایک ادارہ برطانیہ میں کام کررہاہے جبکہ دوسرا امریکا اور کینیڈا میں کام کر رہا ہے،ادارے کے مطابق وہ پاکستان میں مختلف رفاہی اورتعلیمی اداروں کی مالی امدادکرتاہے۔