اسٹیک ہولڈرز افغان امن مذاکرات کو ناکام نہ ہونے دیں فضل الرحمن

طالبان نے ان کے بقول کیے گئے وعدوں کا ایفا نہ کرنے پرناراضگی ظاہرکرتے ہوئے دفترکوعارضی طور پر بند کیا ہے۔ فضل الرحمن فوٹو: فائل

---

جمعیت علمائے اسلام کے سربراہ مولانافضل الرحمن نے دوحہ مذاکرات کے تمام اسٹیک ہولڈرز سے اپیل کی ہے کہ وہ مذاکرات کے لیے جودروازہ طالبان کی دفترکی صورت میں کھلا تھاکوبند ہو نے سے بچائیں۔

جے یو آئی کے ترجمان کے مطابق مولانا فضل الرحمن نے کہاکہ طالبان نے ان کے بقول کیے گئے وعدوں کا ایفا نہ کرنے پرناراضگی ظاہرکرتے ہوئے دفترکوعارضی طور پر بند کیا ہے۔ انھوں نے کہاکہ وہ افغان طالبان کے جذبات اوراحساسات سمجھ سکتے ہیں کہ وہ افغانستان میں ایک حقیقی اسٹیک ہولڈر کا احترام چاہتے ہیں لیکن یہ بھی افغانستان کی امن اور افغان طالبان کے اچھے سیاسی مستقبل کے لیے راستہ ہموارکرتاہے کہ قطر مذاکرات کسی نہج پرپہنچ سکیں۔ امریکا نے یہ عندیہ دیا ہے کہ وہ طالبان کے ساتھ مذاکرات کرنا چاہتاہے لیکن افسوس کی بات ہے کہ ابھی تک ان کی جانب سے دوحہ مذاکرات کے سلسلے میں واضح سوچ نظر نہیں آتی اور نہ ہی ایسا قدم اٹھایا گیا۔