تائیوان میں سمندری طوفان اور بارش کے نتجے میں ایک شخص ہلاک اور 30 زخمی ہوگئے جبکہ کئی عمارتیں زمین بوس ہوگئیں .
غیر ملکی خبر رساں ادارے کے مطابق دارالحکومت تائی پے سمیت تائیوان کے مختلف شہروں میں تیز ہواؤں اور طوفانی بارشوں نے معمولات زندگی مفلوج کردیئے ہیں ،سیلاب کے باعث کئی شہروں میں تعلیمی ادارے اور سرکاری دفاتر بند کردیئے گئے ہیں، تیز ہواؤں کے باعث کئی عمارتیں زمین بوس جبکہ درخت جڑوں سے اکھڑ گئے،مختلف حادثات کے نتیجے میں ایک پولیس اہلکار ہلاک جبکہ 30افراد زخمی ہوگئے۔
محکمہ موسمیات کے مطابق ملک کے مختلف علاقوں میں اب تک 700 سے 800 ملی میٹر بارش ریکارڈ کی گئی ہے جس کے باعث شمال مشرقی تائیوان میں سیلاب جبکہ پہاڑی علاقوں میں مٹی کے تودے گرنے کی وارننگ جاری کردی گئی ہے، متاثرہ علاقوں میں پھنسے ہزاروں افراد کو محفوظ مقامات پر منتقل کیا جارہا ہے۔