نئی فلم میں ایکشن کردار نبھارہی ہوں کترینہ کیف

رومانوی کے ساتھ مزید ایکشن کردار بھی کرنے کا ارادہ رکھتی ہوں ، اداکارہ فوٹو: فائل

---

بالی وڈ اداکارہ کترینہ کیف نے کہا ہے کہنئی فلم میں ایکشن کردار نبھارہی ہوں ۔

انھوں نے کہا کہ رومانوی کے ساتھ مزید ایکشن کردار بھی کرنے کا ارادہ رکھتی ہوں ۔اچھی کہانی اور اسکرپٹ کے ساتھ اپنا منتخب کردار خوبی سے نبھاؤں گی ۔ادھر بھارتی میڈیا کے مطابق رواں سال کے آخری مہینوں میں کترینہ کی دو ایکشن کم ایڈونچر فلمیں وجے کرشنا اچاریہ کی دھوم تھری اور سدھارتھ آنند کی بینگ بینگ ریلیز ہونا تھیں تاہم ان دونوں ہی فلموں کی ریلیز میں تاخیر ہوگئی ۔ فلم دھوم تھری کو کرسمس کے موقع پر ریلیز کیے جانے کا پروگرام تھا اور اسی لیے خاصی بھاگ دوڑ بھی کی جارہی تھی تاہم عامر خان نے پروڈیوسر کو کہہ دیا ہے کہ وہ تب تک کوئی فلم نہیں کریں گے جب تک وہ ذہنی اور جذباتی طور پر خود شوٹنگ کے لیے تیار نہ کرلیں ۔ لہذا ابھی تک دھوم تھری کی ریلیز کی تاریخوں کا کوئی اعلان نہیں ہوسکا ہے۔اب یہ بات یقینی ہے کہ فلم ریلیز بھی ہوئی تو کم از کم اگلا سال ضرور لگ جائے گا۔