گلوکار علی ظفر کی امریکا میں شاندار پرفارمنس

علی ظفرکے گزشتہ روز منعقد ہونے والے شومیں عوام کی شرکت نے کئی ریکارڈتوڑدیے ، ذرائع فوٹو: فائل

---

پاکستانی اداکارو گلوکار علی ظفر کی امریکا میں شاندارپرفارمنس تفصیلات کے مطابق اداکارو گلوکارعلی ظفرکی امریکا میں شاندار پرفارمنس امریکی عوام علی ظفرکی آواز کے ساتھ جھومتے رہے۔

ذرائع کے مطابق علی ظفرکے گزشتہ روز منعقد ہونے والے شومیں عوام کی شرکت نے کئی ریکارڈتوڑدیے ۔علی ظفرچندروزقبل امریکا روانہ ہوئے تھے جہاں انھوں نے دومیوزک کنسرٹ میں پرفارم کرنا تھا۔ آج وہ نیویارک میں پرفارم کرینگے جس کے بعدپاکستان کے لیے واپس لوٹیں گے۔

نمائندہ ایکسپریس سے بات چیت کرتے ہوئے علی ظفرنے بتایاکہ پاکستان سے باہرہمارے فنکاروں کو پسند کیا جاتا ہے اورہمارے فنکاروں کی یہاں کے لوگ عزت کرتے ہیں ایک سوال کے جواب میں علی ظفرکاکہنا تھا کہ ہندوستان اورپاکستان کی طرح مغربی عوام بھی ہمارے جذبات کومکمل سمجھتے ہیں امریکا میں مجھے اس طرح کارسپانس ملنا کسی خواب سے کم نہیں ہے ۔اس طرح اگرکسی بھی ملک میں مجھے پذیرائی ملتی ہے تومیں خداکاشکراداکرتاہوں یہ میری ہی نہیں میرے ملک کی بھی عزت ہے۔