ضمانت کی منسوخی پر 2 ملزم عدالت سے فرار ہوگئے

ملزمان کی مسلسل غیر حاضری پر جوڈیشل مجسٹریٹ نے ضمانت منسوخ کی

---

عدالت نے جعل سازی بوگس چیک دینے کے الزام میں ملوث 2 ملزمان کی ضمانت مسلسل عدالت سے غیر حاضر ہونے پر منسوخ کردی تھی تاہم ملزمان مقدمے کے تفتیشی افسر کی موجودگی میں فرار ہوگئے اور پولیس نے انھیں گرفتار کرنے کی زحمت ہی نہیں کی۔

تفصیلات کے مطابق جوڈیشل مجسٹریٹ وسطی نے بوگس چیک دینے کے الزام میں ملوث محمد فرحان اور رحمت جوکہ ضمانت کے بعد عدالت سے مسلسل غیر حاضر تھے۔ فاضل عدالت نے ملزمان کے وارنٹ جاری کیے تھے ہفتے کو ملزمان عدالت پیش ہوئے اس موقع پر فاضل عدالت نے ملزمان کی ضمانت منسوخ کردی تھانہ نارتھ ناظم آباد کے پولیس افسر اور اس ہی مقدمے کے تفتیشی افسر عدالت میں موجود تھے لیکن ملزمان کو گرفتار نہیں کیا تھا، ملزمان کے خلاف نارتھ ناظم آباد میں مقدمہ درج ہے۔