والدین سے ناراض ہوکر بنکاک آنے والی سعودی لڑکی کو پناہ گزین کا درجہ مل گیا

سعودی لڑکی کو بنکاک سے آسٹریلیا بھیجا جا رہا ہے۔ فوٹو : فائل

---

والدین سے ناراض ہو کر بنکاک پہنچنے والی نوجوان سعودی لڑکی کو پناہ گزین کا درجہ مل گیا ہے۔

بین الاقوامی خبر رساں ادارے کے مطابق آسٹریلیا نے اقوام متحدہ کی تارکین وطن کی ایجنسی UNHCR کی درخواست قبول کرتے ہوئے 18 سالہ سعودی لڑکی رہاف قونن کو قانونی کارروائی کے بعد شہریت دینے کا اعلان کردیا ہے۔

The Australian government says it has been asked by the UN to consider resettlement for @rahaf84427714 - the UN won’t comment on asylum cases but must have approved her refugee status. Australian decision to make a statement suggests it is open to letting her go there.

— Jonathan Head (@pakhead) January 9, 2019

رہاف قونن چند روز قبل کویت سے فرار ہو کر بنکاک پہنچی تھی جہاں سے اسے آسٹریلیا جانا تھا تاہم امیگریشن نے پاسپورٹ ضبط کرکے لڑکی کو واپس والدین کے پاس بھیجنے کی تیاری مکمل کرلی۔

یہ خبر بھی پڑھیں : والدین سے چھپ کر آسٹریلیا جانے والی سعودی لڑکی بنکاک میں پھنس گئی

رہاف نے واپس جانے سے انکار کرتے ہوئے خود کو ایئرپورٹ کے ہوٹل کے کمرے میں بند کرلیا اورسماجی رابطے کی ویب سائٹ پر پوری کہانی بیان کردی جس پر سوشل میڈیا پر رہاف کو کافی حمایت ملی اور انسانی حقوق کے نمائندوں نے مداخلت کی۔

واضح رہے کہ رہاف کے والدین سعودی ہیں اور بیٹی کی مرضی کے بغیر زبردستی شادی کرنا چاہتے تھے۔ رہاف نے والدین کے ہمراہ خلیجی ممالک کے دورے پر کویت میں موقع پاکر بنکاک کا رخ کیا تھا۔