نواز شریف کے ذاتی معالج کو ان سے ملنے نہیں دیا جارہا مریم نواز

نواز شریف کو دل کی تکلیف ہوسکتی ہے، معائنہ ضروری ہے (فوٹو: فائل)

---

مریم نواز نے کہا ہے کہ میاں نواز شریف کے ذاتی معالج کو سارے دن کی کوشش کے باوجود ان سے ملنے نہیں دیا گیا۔

سابق وزیر اعظم نواز شریف کی صاحبزادی مریم نواز نے ٹوئٹ میں کہا ہے کہ میاں نواز شریف کے ہاتھ میں تکلیف کا ہونا دل کا درد بھی ہوسکتا ہے، والد کو ان کے ذاتی معالج سے معائنہ کرانے کی ضرورت ہے جو ان کی پیچیدہ میڈیکل ہسٹری سے واقف ہیں لیکن پورے دن کی کوشش کے باوجود ڈاکٹر کو میاں نواز شریف سے ملنے کی اجازت نہیں دی گئی۔

یہ بھی پڑھیں: کوٹ لکھپت جیل میں نوازشریف کو ٹھنڈ لگ گئی

واضح رہے کہ کوٹ لکھپت جیل میں قید سابق وزیر اعظم نواز شریف سے گزشتہ روز والدہ اور بیٹی مریم نواز سمیت دیگر اہل خانہ اور پارٹی رہنماؤں نے ملاقات کی تھی۔

MNS’s cardiologists have been trying to get access to him all day but permission not granted. He has pain in the arm which is most likely to be angina. He needs to be examined by the doctors who are privy to his complicated medical history.

— Maryam Nawaz Sharif (@MaryamNSharif) January 11, 2019

نواز شریف کے ڈاکٹرز تین بار ان کا معائنہ کرتے ہیں، جیل ذرائع

دوسری جانب جیل ذرائع نے مریم نواز کے بیان کی تردید کرتے ہوئے کہا ہے کہ میاں نواز شریف کے ڈاکٹرز جیل میں 3 مرتبہ ان کا طبی معائنہ کرتے ہیں، نواز شریف کا شام ساڑھے 4 بجے ڈاکٹر اصغر خان نے جیل میں معائنہ کیا، ان کا بلڈ پریشر اور شوگر نارمل ریکارڈ کیا گیا، وہ جیل میں مکمل طور پر صحت یاب ہیں اور ان کی جانب سے کوئی شکایت سامنے نہیں آئی۔