52 سالہ میورا کے معمر ترین فٹبالر ہونے کے ریکارڈ میں مزید توسیع

کازویوشی کو جاپان لیگ میں حصہ لینے والے معمر ترین فٹبالر کا پہلے سے ہی اعزاز حاصل ہے

---

سابق جاپانی اسٹرائیکر کازویوشی میورا نے اپنے معمر ترین پروفیشنل فٹبالر ہونے کے ریکارڈ میں مزید توسیع کردی ہے۔

کازویوشی آئندہ ماہ 52 برس کے ہوجائیں گے تاہم انھوں نے جے لیگ کلب یوکوہاما کے ساتھ نیا کنٹریکٹ کرلیا، وہ مقامی فٹبال حلقوں میں 'کنگ کازو' کے نام سے جانے جاتے ہیں۔ انھیں جاپان لیگ میں حصہ لینے والے معمر ترین فٹبالر کا پہلے سے ہی اعزاز حاصل ہے، وہ 60 برس کی عمر تک فٹبال کھیلنے کا سلسلہ جاری رکھنا چاہتے ہیں۔