پارلیمنٹ کو کسی کی کرپشن چھپانے کے لیے استعمال نہیں ہونے دیں گے وزیراعظم

اپوزیشن دباؤ بڑھا کرنیب کیسز بند کرانا چاہتی ہے، وزیراعظم: فوٹو: فائل

---

وزیر اعظم عمران خان نے کہا کہ پارلیمنٹ کو کسی کی کرپشن چھپانے کے لیے استعمال نہیں ہونے دیں گے۔

ایکسپریس نیوز کے مطابق وزیراعظم عمران خان سے قومی اسمبلی کے اسپییکراسد قیصرکی ملاقات ہوئی۔ ملاقات میں وزیراعظم نے اپوزیشن کے رویے پربرہمی کا اظہارکیا۔ وزیراعظم نے کہا کہ احتساب پرکسی قسم کا سمجھوتہ نہیں ہوگا جب کہ پارلیمنٹ کوکسی کی کرپشن چھپانے کے لیے استعمال نہیں ہونے دیں گے۔

اس سے قبل سماجی رابطے کی ویب سائٹ ٹوئٹرپروزیراعظم عمران خان کا کہنا تھا کہ ہرسال پارلیمنٹ پرٹیکس دہندگان کے اربوں روپے خرچ ہوتے ہیں، قومی اسمبلی میں اپوزیشن کا واک آؤٹ ظاہرکرتا ہے انہیں صرف یہی کام آتا ہے، اپوزیشن کی جانب سے واک آؤٹ دباؤ کے حربے ہیں تاکہ این آراو لیا جاسکے۔

وزیراعظم نے کہا کہ اپوزیشن کے خلاف کیسز پی ٹی آئی نے نہیں بنائے لیکن اپوزیشن دباؤبڑھا کرنیب میں کرپشن کیسزمیں احتساب سے بچنا چاہتی ہے۔

In a Parliament that costs taxpayers billions yearly, yet another walkout in NA by the Opposition shows that this is the only function they intend to perform. These are pressure tactics to seek an NRO & evade accountability for corruption in NAB cases not initiated by PTI.

— Imran Khan (@ImranKhanPTI) January 15, 2019