سی ٹی ڈی کی فیصل آباد میں کارروائی کالعدم تنظیم کے دو دہشت گرد ہلاک

محکمہ انسداد دہشت گردی (سی ٹی ڈی) نے کارروائی کرتے ہوئے کئی اہم مقدمات میں ملوث کالعدم تنظیم کے دو خطرناک دہشت گردوں کو ہلاک کردیا۔

سی ٹی ڈی ترجمان کے مطابق خفیہ اطلاع پر ایک گھر پر چھاپہ مارا تو دہشت گردوں نے فائرنگ کردی اور پولیس کی جوابی کارروائی میں دونوں دہشت گرد ہلاک ہوگئے۔ ہلاک شدگان کی شناخت عدیل حفیظ اور عمان ہارون کے نام سے ہوئی جو قتل اور اغوا کی وارداتوں میں ملوث تھے۔


پولیس کے مطابق عدیل حفیظ اور عمان ہارون ملتان میں حساس ادارے کے افسران کے قتل جبکہ جنرل طارق مجید کے داماد، لاہور میں امریکی شہری وارن وائنسٹائن اور علی حیدر گیلانی کے اغوا میں بھی ملوث تھے۔

دہشت گردوں سے خود کش جیکٹس، اسلحہ، ہینڈ گرینیڈ سمیت دیگر سامان برآمد ہوا ہے۔ دونوں دہشت گرد کرائے گھر میں رہ رہے تھے اور انہوں نے منگل کو قانون نافذ کرنے والے اداروں پر حملے کی منصوبہ بندی کی تھی۔