سیکیورٹی فورسز کا چمن میں آپریشن افغان باشندہ خودکش جیکٹ سمیت گرفتار

افغان باشندے سے آئی ای ڈیز سمیت مواصلاتی سامان بھی برآمد ہوا ہے، آئی ایس پی آر۔ فوٹو : آئی ایس پی آر

---

چمن میں آپریشن کے دوران سیکیورٹی فورسز نے افغان باشندے کو خودکش جیکٹ سمیت گرفتار کرلیا۔

پاک فوج کے شعبہ تعلقات عامہ(آئی ایس پی آر) کے مطابق سکیورٹی فورسز نے بلوچستان میں دہشت گردی کا منصوبہ ناکام بنادیا، چمن میں خفیہ کارروائی پر آپریشن کے دوران سیکیورٹی فورسز نے غیر رجسٹرڈ افغان باشندے کو گرفتار کرلیا۔

آئی ایس پی آر کے مطابق افغان باشندے سے تیار خودکش جیکٹ، آئی ای ڈیز سمیت مواصلاتی سامان بھی برآمد ہوا ہے۔