فواد چوہدری کے بیان پر پی ٹی آئی سے اتحاد ختم ہوسکتا ہے چوہدری مونس الٰہی

فواد چوہدری کو یاد رکھنا چاہیے کے تحریک انصاف کے اندر بہت بڑا فارورڈ بلاک تیار ہے، مونس الٰہی۔ فوٹو : فائل

---

مسلم لیگ (ق) کے رہنما چوہدری مونس الٰہی کا کہنا ہے کہ فواد چوہدری کے بیان پر پی ٹی آئی سے اتحاد ختم ہوسکتا ہے۔

وزیر اطلاعات فواد چوہدری کے بیان پر مسلم لیگ (ق) نے سخت ردعمل کا اظہار کیا ہے، مسلم لیگ (ق) کے رہنما چوہدری مونس الٰہی کا کہنا ہے کہ عمران خان اپنی ٹیم کے رہنماؤں کو ڈسپلن میں رکھیں، پی ایم ایل (ق) میں فارورڈ بلاک بنانے کی باتیں کرنے والے فواد چوہدری کو یاد رکھنا چاہیے کہ تحریک انصاف کے اندر بہت بڑا فارورڈ بلاک تیار ہے، فواد چوہدری کے بیان سے پی ٹی آئی سے اتحاد ختم ہوسکتا ہے۔

Comments by @fawadchaudhry will surely rock or even dismantle this coalition. @PTIofficial and @ImranKhanPTI need to discipline children.

— Moonis Elahi (@MoonisElahi6) January 15, 2019

دوسری جانب ذرائع کا کہنا ہے کہ وزیر اطلاعات فواد چوہدری نے اپنے بیان پر مسلم لیگ (ق) کی قیادت سے معذرت کرتے ہوئے کہا ہے کہ غلطی سے مسلم لیگ (ق) کا نام منہ سے نکل گیا، رات گئے فواد چوہدری نے مونس الٰہی کو معذرت کا میسج کیا تھا۔

پی ایم ایل ق میں فارورڈ بلاک بنانے کی باتیں کرنے والے فواد چوہدری کو یاد رکھنا چاہیے کے PTI کے اندر بہت بڑا فارورڈ بلاک تیار ہے۔@fawadchaudhry #PTI #PMLQ pic.twitter.com/WlBl76PHFv

— Chaudhry Irfan Ihsan (@IrfanIhsan6) January 15, 2019

واضح رہے کہ وزیر اطلاعات فواد چوہدری کی طرف سے ٹی وی شو میں مسلم لیگ (ق) میں فارورڈ بلاک کے حوالے سے بیان دیا گیا، فواد چوہدری نے (ن) لیگ اور پی پی میں بھی فارورڈ بلاک کی بات کی تھی۔