فرانس کے شہر لیون میں یونیورسٹی کی چھت پر دھماکا 3 افراد زخمی

یونی ورسٹی میں سائنس لائبریری کی چھت پر گیس بوتل میں دھماکے کے باعث آگ لگی، پولیس۔ فوٹو : سوشل میڈیا

---

لیون میں یونی ورسٹی کی چھت پر دھماکے کے نتیجے میں 3 افراد زخمی ہوگئے۔

غیر ملکی خبر رساں ادارے کے مطابق فرانس کے شہر لیون میں یونی ورسٹی کی چھت پر دھماکے کے بعد آگ لگ گئی جس نے دیکھتے دیکھتے شدت اختیار کرلی، واقعہ کے بعد پولیس اور فائر بریگیڈ نے عمارت کو گھیرے میں لیکر آگ بجھانا شروع کردی ہے تاہم دھماکے کے نتیجے میں 3 افراد زخمی ہوگئے۔

پولیس کا کہنا ہے کہ یونی ورسٹی میں سائنس لائبریری کی چھت پر گیس بوتل میں دھماکے کے باعث آگ لگی، دوسری جانب یونی ورسٹی انتظامیہ کا کہنا ہے کہ چھت پر تعمیراتی کام جاری ہے جس کے دوران حادثاتی طور پر دھماکا ہوا۔