ساہیوال مقابلہ بچوں کو سکتے کی کیفیت میں دیکھ کر صدمے میں ہوں وزیراعظم

ریاست ان بچو ں کی مکمل دیکھ بھال کی ذمہ داری پوری کرے گی، وزیراعظم عمران خان کی ٹوئٹ فوٹوفائل

---

وزیراعظم پاکستان عمران خان نے ساہیوال واقعے پر ٹوئٹ کرتے ہوئے کہا ہے کہ بچوں کو سکتے میں بیٹھا دیکھ کر صدمے کی کیفیت میں ہوں۔

وزیراعظم عمران خان نے ساہیوال واقعے پر ٹوئٹ کرتے ہوئے کہا ہے کہ ساہیوال میں بچوں کے سامنے ان کے والدین کو گولیاں مارنے کے واقعے پر ابھی تک صدمے میں ہوں، ان بچوں نے اپنے والدین کو آنکھوں کے سامنے گولیوں کا نشانہ بنتے دیکھا، ریاست ان بچو ں کی مکمل دیکھ بھال کی ذمہ داری پوری کرے گی، واقعہ دیکھ کر تمام والدین کو اپنے بچوں کا خیال آجاتا ہے۔

اس خبرکوبھی پڑھیں: ساہیوال واقعہ؛ ابتدائی پوسٹ مارٹم رپورٹ جاری

Still shocked at seeing the traumatized children who saw their parents shot before their eyes. Any parent would be shocked as they would think of their own children in such a traumatic situation. These children will now be fully looked after by the state as its responsibility.

— Imran Khan (@ImranKhanPTI) January 20, 2019

وزیر اعظم عمران خان نے مزید کہا سی ٹی ڈی نے دہشت گردی کے خلاف جنگ میں بھرپور کردار ادا کیا، لیکن ہر کوئی قانون کے سامنے جوابدہ ہے، جے آئی ٹی رپورٹ آنے پر فوری کارروائی کی جائے گی اور سخت ایکشن لیا جائے گا، تمام شہریوں کی حفاظت حکومت کی ترجیح ہے۔

اس خبرکوبھی پڑھیں: ساہیوال واقعہ؛ نئی ویڈیو نے سی ٹی ڈی کے جھوٹ کا پول کھول دیا

While the CTD has done a great job in fight against terrorism, everyone must be accountable before the law. As soon as JIT report comes, swift action will be taken. The govt's priority is protection of all its citizens. https://t.co/Vek2YHLmKQ

— Imran Khan (@ImranKhanPTI) January 20, 2019

واضح رہے گزشتہ روز ساہیوال میں سی ڈی ٹی نے مشکوک مقابلے میں 4 افراد کو قتل کردیا تھا جن میں خاتون، ان کا شوہر، کم عمر بیٹی اور ڈرائیور شامل تھا۔ سی ٹی ڈی نے تمام افراد کو مارنے کے بعد انہیں داعش کا دہشت گرد قرار دے دیا۔