پی ایس ایل 4 کا نیا ترانہ قبل از وقت ریلیز کیے جانے کی انکوائری شروع

سینئر جنرل منیجر مارکیٹنگ ڈپارٹمنٹ نے گانے کولانچ ہونے سے 4 گھنٹے قبل ہی اپنے سوشل میڈیا اکاؤنٹ پرریلیزکردیا تھا،ذرائع۔ فوٹو: فائل

---

پی ایس ایل فور کے آفیشل ترانے کو قبل ازوقت سوشل میڈیا پر ریلیز کرنے کیخلاف انکوائری شروع کردی گئی۔

سینئر جنرل منیجر مارکیٹنگ ڈپارٹمنٹ نے لیگ کے چوتھے ایڈیشن کے گانے کولانچ ہونے سے 4 گھنٹے قبل ہی اپنے سوشل میڈیا اکاؤنٹ پر ریلیزکردیا تھا، اس حوالے سے پی سی بی نے انکوائری تشکیل دی ہے جو معاملات کی تہہ تک جانے کے بعد اپنی رپورٹ چیئرمین احسان مانی کو پیش کرے گی۔

پی ایس ایل 4 کے آفیشل سانگ ' کھیل دیوانوں کا' میں اس بارعلی ظفرکے بجائے فواد خان نے آوازکا جادو جگایا لیکن شائقین کو گانا پسند نہیں آیا اورانھوں نے نئے آفیشل سونگ کو مسترد کردیا ہے۔