بلوچستان سے سینیٹ کی دو خالی نشستوں پرن لیگ اور پشتونخواہ ملی عوامی پارٹی کامیاب

سینiٹ کی دو نشستوں کے لئے مسلم لیگ (ن) کے سردار یعقوب ناصر، پشتونخواہ ملی عوامی پارٹی کے عبدالرؤف لالہ اور جمیعت علمائے اسلام (ف) کےحاجی ولی محمد کاکڑ کے درمیان مقابلہ تھا۔ فوٹو: فائل

---

بلوچستان سے سینیٹ کی دو خالی نشستوں پر مسلم لیگ (ن) اور پشتونخواہ ملی عوامی پارٹی کے امیدوار کامیاب ہوگئے ہیں۔

پولنگ کا آغاز صبح 9 بجے شروع ہواجو سہ پہر4 بجے تک بلا تعطل جاری رہی،صوبائی الیکشن کمشنر سلطان بایزید نے پریزائیڈنگ آفیسر کے فرائض انجام دیئے، سینٹ کی دو نشستوں کے لئے مسلم لیگ (ن) کے سردار یعقوب ناصر، پشتونخواہ ملی عوامی پارٹی کے عبدالرؤف لالہ اور جمیعت علمائے اسلام (ف) کےحاجی ولی محمد کاکڑ کے درمیان مقابلہ تھا۔

پولنگ کے بعد ووٹوں کی گنتی کی گئی جس کے مطابق بلوچستان سے سینیٹ کے دو خالی نشستوں کےلئے 52 ووٹ کاسٹ ہوئے جن میں سے ایک ووٹ مسترد کردیا گیا،مسلم لیگ (ن) کے سردار یعقوب ناصر 24 اور پشتونخواہ ملی عوامی پارٹی کے عبدالرؤف لالہ نے 22ووٹ حاصل کرکے کامیاب قرار پائے جبکہ جمیعت علمائے اسلام (ف) کےحاجی ولی محمد کاکڑ کو 5ووٹ ملے۔

واضح رہے کہ صوبے سے سینیٹ کی ایک نشست نوابزادہ حاجی لشکری رئیسانی کے مستعفی ہونے جبکہ دوسری مولانا محمد خان شیرانی کے رکن قومی اسمبلی منتخب ہوجانے کے بعد خالی ہوئی تھی۔