جلد از جلد بلدیاتی انتخابات کرانے کیلئے تیار ہیں خیبر پختونخوا حکومت

خط کو كمیشن كے اجلاس میں زیر غور لایا جائے گا اور اس كے بعد صوبائی حكومت كے ساتھ اجلاس كا فیصلہ كیا جائے گا، سیکریٹری الیکشن کمیشن فوٹو : فائل

---

ISLAMABAD: خیبر پختونخوا حكومت نے الیكشن كمیشن كو صوبے میں بلدیاتی انتخابات كرانے كے لئے خط لكھ دیا ہے۔

خیبر پختونخوا کے چیف سیكریٹری كی جانب سے سیكریٹری الیكشن كمیشن اشتیاق احمد خان كو لکھے گئے خط میں صوبائی حكومت نے صوبے میں بلدیاتی انتخابات كرانے كے لئے اپنی رضا مندی ظاہر كی ہے اور واضح كیا كہ صوبائی حكومت بلدیاتی انتخابات جلد سے جلد كرانے كو تیار ہے لہذا الیكشن كمیشن اس ضمن میں صوبائی حكومت كے ساتھ باہمی مشاورت كے لئے اجلاس طلب كرے تاكہ صوبائی حكومت بلدیاتی انتخابات كے حوالے سے باہمی مشاورت كے بعد دیگر انتظامات كو مكمل كرنے كے لئے وقت مقرر كرسكے۔

اشتیاق احمد کے مطابق صوبائی حكومت كی جانب سے لكھے گئے خط كو چیف الیكشن كمشنر اور كمیشن كے چاروں ممبران تک پہنچا دیا گیا ہے جسے كمیشن كے اجلاس میں زیر غور لایا جائے گا اور اس كے بعد صوبائی حكومت كے ساتھ اجلاس كا فیصلہ كیا جائے گا۔