گووندا کے بھانجے کی لاش ان کے گھر سے برآمد

لاش کو پوسٹ مارٹم کے لیے قریبی اسپتال منتقل کردیا گیا ہے فوٹوفائل

---

بالی ووڈ اداکارگووندا کے بھانجے جنویندرا آہوجا کی لاش ان کے اپارٹمنٹ سے برآمد ہوئی ہے اور لاش کو پوسٹ مارٹم کے لیے اسپتال منتقل کردیا گیا ہے۔

بھارتی میڈیا کے مطابق اداکارگووندا کے 34 سالہ بھانجے جنویندرا آہوجا کی لاش آج صبح تقریباً ساڑھے 6 بجے پراسرار حالت میں ممبئی کے علاقے یاری روڈ میں ان کے اپارٹمنٹ سے برآمد ہوئی ہے۔

اس خبرکوبھی پڑھیں: قادر خان کے بیٹے نے گووندا کی منافقت کا پول کھول دیا

ابتدائی اطلاعات کے مطابق جنویندرا کی لاش کو پولیس نے پوسٹ مارٹم کے لیے قریبی اسپتال منتقل کردیا ہے جب کہ موت کی وجہ تاحال سامنے نہیں آئی ہے۔ پولیس کا کہنا ہے کہ پوسٹ مارٹم رپورٹ آنے کے بعد ہی موت سے متعلق کچھ کہا جاسکتا ہے۔

اس خبرکوبھی پڑھیں: سلمان خان کیلئے بلاک بسٹرفلم کی قربانی دی تھی، گووندا

دوسری جانب گووندا کے بھانجے کامیڈین کرشنا ابھیشیک کی اہلیہ کاشمیرا شاہ نے جنویندرا آہوجا کی موت کی تصدیق کرتے ہوئے کہا ہے کہ ہم سب جنویندرا کی موت کی خبرسن کر صدمے میں ہیں تاہم انہوں نے اسے طبعی موت قرار دیا۔