خوشی نے بہن جھانوی کا انوکھا راز فاش کردیا

جھانوی نیند میں بالی ووڈ فلموں کے ڈائیلاگ بڑبڑاتی رہتی ہیں، خوشی کپور۔ فوٹو: فائل

---

آنجہانی اداکارہ سری دیوی اور معروف ہدایت کار بونی کپور کی کی چھوٹی بیٹی خوشی کپور نے اپنی بڑی بہن و اداکارہ جھانوی سے متعلق انوکھا راز فاش کردیا۔

بھارتی میڈیا رپورٹس کے مطابق ا خوشی کپور نے حال ہی میں میڈیا سے گفتگو کی جہاں اُن سے جھانوی کپور سے متعلق سوال پوچھا گیا کہ جھانوی کپور گھر میں کس طرح رہتی ہیں جس پر خوشی نے جھانوی کے چھپے کئی رازوں پر سے پردہ اُٹھا دیا۔

خوشی کپور نے جواب دیتے ہوئے انکشاف کیا کہ جھانوی کتھک رقص کی دیوانی ہیں اور جب بھی گھر میں فارغ ہوتی ہیں تو رقص کرنا شروع کر دیتی ہیں، اور ساتھ ہی خوشی نے ایک اور انکشاف کیا کہ جھانوی نیند میں بھی بالی ووڈ فلموں کے ڈائیلاگ بڑبڑاتی رہتی ہیں۔

یہ خبر بھی پڑھیں: بونی کپور بیٹی جھانوی سے زیادہ سارہ علی خان کو توجہ ملنے پر ناراض

واضح رہے کہ اداکارہ جھانوی کپور دھرما پروڈکشن کے بینر تلے بننے والی فلم 'دھڑک' سے ڈیبیو کر چکی ہیں اور ان دنوں گنجن سکسینا کی سوانح حیات پر مبنی فلم کی شوٹنگ میں مصروف ہیں جس کے بعد وہ کرن جوہر ہی کی فلم 'تخت' میں نظر آئیں گی جب کہ خوشی کپور رواں سال ہی بالی ووڈ میں ڈیبیو کرنے کی تیاری کر چکی ہیں۔