انگلش کرکٹرز کو ٹیم ہوٹل میں کھٹملوں نے کاٹ لیا کمرے بدلنا پڑے

ویسٹ انڈیز کیخلاف پہلے ٹیسٹ سے قبل انگلش پلیئرز کو ٹیم ہوٹل میں کھٹملوں کے کاٹنے کا انکشاف ہوا ہے۔


کمنٹیٹر جوناتھن ایگنیو نے بتایا کہ کھٹملوں کی وجہ سے پلیئرز کو اپنے میٹرس کمروں سے باہر بچھانے پڑے جبکہ فاسٹ بولر اسٹورٹ براڈ کا تو بُرا حشرہوگیا، ان کو کھٹملوں نے بُری طرح کاٹا، ساتھ میں انھوں نے وضاحت بھی کردی کہ پہلے ٹیسٹ میں براڈ کو نہ کھلانے کی یہ وجہ نہیں ہے۔

دوسری جانب انگلینڈ اینڈ ویلز کرکٹ بورڈ نے تصدیق کی کہ براڈ نے ہوٹل کا کمرہ تبدیل کیا تاہم ساتھ میں جوناتھن ایگنیو کی جانب سے پلیئرز کے کمروں سے باہر سونے کے دعوے کو غلط بھی قرار دیا ہے۔