پی آئی اے کے شعبہ کارگو میں 50 لاکھ روپے سے زائد کی کرپشن کا بھانڈا پھوٹ گیا۔

پی آئی اے کے شعبہ کارگو میں 50 لاکھ روپے سے زائد کی کرپشن میں مبینہ طور پر پی آئی اے کارگو کے سپر وائزر سمیت دیگر عملہ ملوث نکلا، جعلسازی انتہائی مہارت سے سامان بک کرا کر جعلی ایئرویز بل کے ذریعے کی گئی، سامان بک کر کے جہاز پر لوڈ کر دیا جاتا تھا اس کے بعد مبینہ طور پر بل منسوخ کر دیے جاتے تھے ۔

پی آئی اے انتظامیہ نے محکمانہ کارروائی عمل میں لاتے ہوئے جعلسازی میں ملوث کارگوسپروائزر، سیکیورٹی اہلکار اور کیشئر کو معطل کر کے تحقیقات شروع کر دی ۔