بالی ووڈ کوئین کو جھانسی کی رانی بننا مہنگا پڑگیا

فلم ’’منی کارنیکا‘‘نے ریلیز کے پہلے روز صرف 8 کروڑ75 لاکھ کی کمائی کی ہے فوٹوفائل

---

بالی ووڈ کوئین کنگنا رناوت کی فلم ''منی کارنیکا؛ کوئین آف جھانسی''کا ریلیز کے پہلے روز اچھا آغاز نہیں ہوا فلم نے پہلے روز صرف 8 کروڑ 75 لاکھ کی کمائی کی ہے۔

اداکارہ کنگنا رناوت اپنی فلم''منی کارنیکا''کی وجہ سے گزشتہ کچھ عرصے سے بھارتی میڈیا کی توجہ کا مرکز بنی ہوئی ہیں۔ کنگنا فلم کو لے کر بہت پر جوش تھیں اورانہیں پوری امید تھی کہ ان کی فلم باکس آفس پر کامیابی کے جھنڈے گاڑ دے گی، تاہم تقریباً 125 کروڑ کے بجٹ سے بنائی گئی فلم نے ریلیز کے پہلے روز صرف 8 کروڑ 75 لاکھ کی کمائی کی ہے۔ میڈیا رپورٹس کے مطابق فلم کو ریلیز کے دوسرے دن اس سے ڈبل کمائی کرنی ہوگی اور تیسرے روز اس میں مزید اضافہ کرنا ہوگا۔

#Manikarnika picked up towards evening, after an ordinary/dull start in morning... #RepublicDay holiday [today] should witness a big turnaround... Sure, there’s appreciation, but it has to convert into footfalls... Fri ₹ 8.75 cr. India biz. #Hindi #Tamil #Telugu

— taran adarsh (@taran_adarsh) January 26, 2019

واضح رہے کہ کنگنا رناوت نے فلم کی تشہیر کے دوران خبروں میں جگہ بنانے کے لیے کئی بار جھوٹ بھی بولا کہ کرنی سینا کی جانب سے ان کی فلم پر اعتراض اٹھایا گیا ہے اور وہ ان تمام لوگوں کو تباہ کردیں گی۔ تاہم ان کی جھوٹ کا پول اس وقت کھل گیا جب کرنی سینا نے کہا انہیں فلم پر کوئی اعتراض نہیں اورنہ ہی انہوں نے کنگنا کو کوئی دھمکی دی ہے۔

اس خبرکوبھی پڑھیں: سب کو تباہ کردوں گی، کنگنا رناوت

اپنے اس بیان کے بعد کنگنا رناوت سرخیوں کا حصہ تو بن گئیں تاہم شائقین کو زیادہ تعداد میں سینما تک کھینچ لانے میں ناکام رہیں۔ دوسری جانب شائقین اور تجزیہ نگاروں نے فلم کو ملا جلا ردعمل دیا ہے، بعض شائقین کا کہنا ہے کہ کنگنا نے فلم میں جھانسی کی رانی کا کردار بخوبی نبھایاہے۔