سوناکشی سنہا تیسری بار اکشے کیساتھ جلوہ گر ہونے کیلیے تیار

شائقین کی پسند کا احترام کرنا ضروری ہے، عمدہ پرفارمنس سے شائقین کی توجہ حاصل کرنے میں کامیاب رہی ہوں،26 سالہ بالی وڈ اداکارہ۔ فوٹو: فائل

---

بالی وڈ اداکارہ سوناکشی سنہا کئی کامیابیاں سمیٹنے کے بعد ایک بار پھر بالی وڈ میلہ لوٹنے کی تیاری کرچکی ہیں، اداکارہ سوناکشی سنہا کی نئی فلم ''ونس اپان اے ٹائم ان ممبئی اگین ''ریلیز کے لیے تیار ہے۔

سوناکشی ا ب تیسری بار اکشے کمار کے ساتھ جلوہ گرہورہی ہیں قبل ازیں سوناکشی فلم'' راوڈی راٹھور ''اور ''جوکر ''میں ایک ساتھ کام کرچکے ہیں۔ یہ فلم شاہ رخ کی ''چنائے ایکسپریس'' سے ایک ہفتہ بعد ریلیز کرنے کا پلان بنایا ہے۔ روہت شیٹھی سے مقابلہ نہ کرنے کے لیے فلم کی تاویخ میں تبدیلی کی گئی ہے۔ اس فلم کے گیتوں اور ٹریلرز نے پہلے ہی دھوم مچا رکھی ہے اب فلم کے فوٹو سیٹ انٹر نیٹ پر توجہ کا مرکز بنے ہوئے ہیں، سوناکشی سنہا، اکشے کمار ،عمران خان ،سونالی باندرے اور صوفی چوہدری کی منفرد اسٹائلز میں فوٹو ز نے شائقین کی بھرپور توجہ حاصل کررکھی ہے۔ فلم 15 اگست کو ریلیزہوگی ۔فلم کی پروڈیوسر ایکتا کپور ہیں جب کہ ہدایات ملن لوتھریا کی ہیں۔ سونالی باندرے نے فلم میں معاون اداکارہ کا کردار نبھایا ہے۔ نئی فلم میں کردار کو وسعت دی ہے جس میں اپنی بھرپور صلاحیتوں کے اظہار کا موقع ملا ہے۔

اداکارہ کا کہنا ہے کہ رواں ماہ کی 15 اگست کو سینماؤں کی زینت بننے والی اس فلم میں میرا کردار یاد گار ہوگا ۔اپنے کام کو سلیقے سے عکسبند کروایا ہے اور یقین رکھتی ہوں کہ میری محنتیں رنگ لائیں گی۔ سوناکشی کے مطابق عمران خان کے ساتھ اس فلم میں گیتوں پر پرفارمنس کو یادگار بنانے کے لیے بھی محنت کی گئی ہے۔ شائقین کی توقعات پر پوری اتروں گی ۔فلم کی کہانی بھی بڑی دلچسپ ہے اور اس میں تمام فنکاروں نے نہایت عمدہ پرفارم کیا ہے۔ انھوں نے کہا کہ شائقین کی پسند کا احترام کرنا ضروری ہے۔ وزن بڑھنے اور کم ہونے کی باتیں فضول ہوجاتی ہیں۔ اب یہ باتیں ماضی کا قصہ بن چکی ہیں۔ اپنی عمدہ پرفارمنس سے شائقین کی توجہ حاصل کرنے میں کامیاب رہی ہوں اور اپنی حالیہ کامیابیوں پر بہت خوش ہوں، مجھے توقع ہے کہ آنیوالا کل میرے دامن میں مزید کامیابیاں بھرے گا۔ انھوں نے کہا کہ قابل اعتراض سین ہی کامیابی سے ہمکنار نہیں کراتے بلکہ معیاری کام ہی پسند کیا جاتا ہے۔ انھوں نے کہا کہ مداحوں نے مجھ پر تنقید کرنیوالوں کے نظریات کو مسترد کردیا ہے۔ قبل ازیں بالی وڈ اداکارہ سوناکشی سنہا نے کہا ہے کہ نئی فلموں میں اپنے کردار پر زیادہ دھیان دوں گی۔



ہر طرح کے کردار کرنے کے لیے کوشاں ہوں ، پرفارمنس کو یاد گار بنانے کیلیے اپنی صلاحیتوں کا بھرپور مظاہرہ کروں گی۔ انھوں نے کہا کہ ہدایت کار وکرم ادتیہ سے بہت کچھ سیکھا ہے مگر ان کے ساتھ کام کرناآسان نہیں ہے ایسے لگتا ہے کہ جیسے پھر سے میں اسکول میں داخل ہوگئی تھی ،ایسے سینئرز اور تکنیکی ماہرین سے سیکھنے کا سلسلہ جاری رکھوں گی ۔مشکلات سے گھبراتی نہیں ہوں ۔اپنے کام کو پرفکیٹ کرنے تک ریہرسلز جاری رکھنے میں کوئی عار محسوس نہیں کروں گی۔ سوناکشی نے کہا کہ 15 اگست کو ریلیز ہونے والی فلم ''ونس اپان اے ٹائم ان ممبئی اگین ''بھی پسند کی جائے گی ۔اس فلم کی کہانی کو عمدگی سے فلمایا گیا ہے ۔عمران خان نے بہت اچھی پرفارمنس دی ہے۔ پریتم کے میوزک نے بھی فلم کو چارچاند لگادیے ہیں۔ اداکارہ کا کہنا ہے کہ فلم کی تشہیری مہم کا آغاز کردیا گیا ہے۔فلم کی ریلیز کے بھی تمام انتظامات مکمل کرلیے گئے ہیں ۔واضح رہے کہ 2 جون 1987 کو بالی وڈ اسٹار شتروگھن سنہا کے گھر پیدا ہونے والی 25 سالہ اداکارہ نے کیرئیر کا آغاز ماڈلنگ سے کیا۔

بالی وڈ میں پہلی فلم سلمان خان کے ساتھ ''دبنگ ''تھی جو 2010 میں ریلیز کی گئی۔ 2012 میں سوناکشی کی دو فلمیں ''راوڈی راٹھور''اور'' جوکر''تھی ان میں سوناکشی کے مدمقابل اکشے کمار نے مرکزی کردار نبھایا ۔بالی وڈ حلقوں کا کہنا ہے کہ سوناکشی سنہا نے ایک مرتبہ پھر میلہ لوٹنے کی تیاری کرلی ہے۔نئی فلم میں وہ عمران خان کا ساتھ نبھارہی ہیں۔ انھوں نے کہا کہ ''ونس اپان اے ٹائم ان ممبئی اگین'' باکس آفس پر کامیابی کے نئے ریکارڈ قائم کرے گی۔ انھوں نے کہا کہ بالی وڈ میں ایک اور ہی دنیا تخلیق کر رہی ہیں۔ ان کا کہنا ہے کہ 100 کروڑ روپے کی کامیابی کے زمانے چلے گئے، اب 2 سو کروڑ کی بلکہ اور آگے کی بات کی جائے۔ یہ فلم تمام آمدنی کے ریکارڈ توڑ دے گی ۔ان کا کہنا ہے کہ سوناکشی نے 100 کروڑ کلب بنایا، اب وہ ایک قدم اگے بڑھا رہی ہیں۔واضح رہے کہ عامر خان کی 3 ایڈیٹس نے 200 کروڑ کی حد عبور کی تھی سلمان خان کی فلم 'ایک تھا ٹائیگر' 100 کروڑ سے کہیں زیادہ کا بزنس کر چکی تھی اور سوناکشی سنہا کی ''دبنگ 2''نے ریکارڈ بزنس کرکے ان درج بالا فلموں سے زیادہ بزنس کرکے کامیابی کا نیا ریکارڈ قائم کیا ہے۔

اجے دیوگن میں ''سن آف سردار ''میں بھی سوناکشی کی پرفامنس نے کمال کیا۔ فلم''لٹیرا'' کے حوالے سے خود اداکارہ سوناکشی سنہا نے کہا تھا کہ یہ اب تک کی سب سے مشکل فلم تھی جسے بڑی محنت اور لگن سے مکمل کرایا ہے ۔اس فلم کی کامیابی پر اداکارہ نے بہت خوشی کا اظہار کیا اس پر اداکارہ نے کہا کہ فلم میں اپنے کردار کو بڑی محنت سے نبھایا تو اس کی کامیابی ممکن ہوسکی۔ اداکار شتروگھن سنہا نے بھی اس فلم میں بیٹی کی پرفارمنس کی تعریف کرتے ہوئے اس کو یادگار کردار قرار دیا ۔جسے فلمی حلقوں نے سوناکشی سنہا کے لیے کامیابی اور عمدہ اداکاری کی ایک سندقرار دیا ہے۔ اور اب ان کی آنیوالی فلم ''ونس اپان اے ٹائم ان ممبئی اگین''میں بھی عمدہ پرفارمنس کی توقع کی جارہی ہے۔ بالی وڈ حلقوں کا کہنا ہے کہ سوناکشی کی 15 اگست کو سینماگھروں کی زینت بنائی جانیوالی اس فلم کی باکس آفس پر بھی دھوم مچے گی۔