دکی میں کوئلہ کی کان میں حادثہ 2 کانکن جاں بحق

چند روز قبل بھی دکی میں کوئلے کی کان بیٹھ جانے کے نتیجے میں 3 افراد جاں بحق ہوگئے تھے۔ فوٹو: فائل

---

بلوچستان کے ضلع دکی میں کوئلے کی کان میں حادثے کے باعث 2 کانکن جاں بحق ہوگئے۔

ایکسپریس نیوز کے مطابق بلوچستان کے ضلع دکی میں مقامی کوئلے کی کان میں حادثے کے باعث 2 کان کن جاں بحق ہوگئے، واقعہ کے بعد امدادی اہلکاروں نے مزدوروں کی لاشوں کو اسپتال منتقل کردیا ہے، پولیس کے مطابق دونوں مزدوروں کی ہلاکت ٹرالی کی ٹکر کے باعث ہوئی جب کہ ان کا تعلق افغانستان سے تھا۔

واضح رہے کہ چند روز قبل بھی دکی میں کوئلے کی کان بیٹھ جانے کے نتیجے میں 3 افراد جاں بحق ہوگئے تھے جن میں ریسکیو آپریشن کے لیے جانے والے دو امدادی کارکن بھی شامل تھے۔