آئی سی سی نے سرفراز احمد پر 4 میچوں کی پابندی لگادی

سرفراز احمد جنوبی افریقا کے خلاف آخری ون ڈے اور 2 ٹی ٹوئنٹی نہیں کھیل سکیں گے۔

---

آئی سی سی نے قومی ٹیم کے کپتان سرفراز احمد پر 4 میچوں کی پابندی عائد کردی۔

انٹرنیشنل کرکٹ کونسل (آئی سی سی) نے سماجی رابطے کی ویب سائٹ پر ٹوئٹ میں یہ معلومات فراہم کیں، سرفراز احمد کو جنوبی افریقا کے خلاف دوسرے میچ کے دوران نسل پرستانہ جملا کہنے پر معطل کیا گیا ہے۔

سرفراز احمد کو آئی سی سی کے نسل پرستانہ کوڈ کی خلاف ورزی کرنے پر 4 میچوں کے لیے معطل کیا گیا ہے، یوں وہ جنوبی افریقا کے خلاف آخری ایک روزہ میچ میں بھی شریک نہیں ہوسکیں گے جب کہ وہ پروٹیز کے خلاف ابتدائی 2 ٹی ٹوئنٹی میں بھی قومی ٹیم کا حصہ نہیں ہوں گے۔

JUST IN: Pakistan captain Sarfaraz Ahmed has been handed a four-match suspension for breaching ICC's Anti-Racism Code.

DETAILS ⏬https://t.co/7lCs3FiYpp pic.twitter.com/OWpwV6lJ4w

— ICC (@ICC) January 27, 2019

ترجمان آئی سی سی ڈیو رچرڈسن کا کہنا تھا کہ آئی سی سی نسل پرستانہ فقرے بازی پرزیرو ٹولیرنس پالیسی رکھتا ہے اور سرفراز احمد نے غلطی کا اعتراف کرتے ہوئے سرعام معافی مانگی اس لیے ان پر کم سے کم سزا کا اطلاق ہوا جب کہ سرفراز کو نسل پرستی کیخلاف تعلیمی پروگرام میں بھی شرکت کرنا ہوگی۔

اس خبر کو بھی پڑھیں؛ سرفراز احمد نے نسل پرستانہ جملے پر جنوبی افریقین کھلاڑی سے معافی مانگ لی

واضح رہے سرفراز احمد نے جنوبی افریقی کھلاڑی اینڈائل فیلوکایو سے نسل پرستانہ جملہ کہنے پر معافی مانگی تھی جس پر انہوں نے قومی ٹیم کے کپتان کو معاف بھی کردیا تھا۔