سیاحت کے فروغ کیلئے نئی ویزا پالیسی اہم سنگ میل ثابت ہوگی وزیراعظم

وزیراعظم عمران خان سے مالاکنڈ ڈویژن کے ارکان قومی اسمبلی کی ملاقات فوٹو:فائل

---

وزیراعظم عمران خان نے کہا ہے کہ سیاحت کے فروغ کیلئے حکومت کی ویزا پالیسی اہم سنگ میل ثابت ہوگی۔

اسلام آباد میں وزیراعظم عمران خان سے مالاکنڈ ڈویژن کے ممبران قومی اسمبلی نے ملاقات کی۔ مراد سعید، ڈاکٹر حیدر علی، سلیم رحمان، صاحبزادہ صبغت اللہ، محبوب شاہ، بشیر خان، جنید اکبر، شیر اکبر، نعیم الحق، افتخار درانی، ندیم افضل چن، عامر ڈوگر اور ارشد داد نے ملاقات میں شرکت کی۔ ممبران قومی اسمبلی نے وزیر اعظم کو تعلیم، صحت، بجلی گیس و دیگر مسائل سے آگاہ کیا۔

وزیراعظم عمران خان نے کہا کہ خیبرپختونخوا میں سیاحت کے فروغ پر خصوصی توجہ دی جا رہی ہے، اس سلسلے میں حکومت کی اعلان کردہ ویزا پالیسی اہم سنگ میل ثابت ہوگی، پشاور سے ملائیشیا کے لئے پروازیں بھی جلد شروع کی جائیں گی۔

یہ خبر بھی پڑھیں: وزیر اعظم کی طورخم بارڈر کو 24 گھنٹے کھلا رکھنے کی ہدایت

وزیراعظم نے قومی اسمبلی کے حلقوں سے متعلقہ مسائل کے حل کو یقینی بنانے کے لئے واضح اور ٹھوس تجاویز مرتب کرنے کی ہدایت کی۔ انہوں نے کہا کہ مالاکنڈ ڈویژن میں ہائیڈل پراجیکٹس اور ماحول دوست سستے منصوبوں پر توجہ دی جائے گی۔