لاہور: مالی سال 2012-13 کے دوران ٹیکسٹائل مصنوعات اور کپڑوں کی برآمدات میں 5 فیصد اضافہ دیکھا گیا۔

پاکستان ادارہ شماریات کے اعداد و شمار کے مطابق جولائی 2012 سے جون 2013 تک ٹیکسٹائل مصنوعات اور کپڑوں کی برآمدات کی مالیت 13 ارب 64 لاکھ ڈالر رہی جبکہ مالی سال 2011-12 کے دوران 12 ارب 33 کروڑ 60 لاکھ ڈالر مالیت کی ٹیکسٹائل مصنوعات برآمد کی گئی تھیں۔

رپورٹ کے مطابق ٹیکسٹائل مصنوعات کی برآمدات میں اضافے کی وجہ سے ملک کی مجموعی برآمدات کی صورتحال میں بہتری آئی ہے جس سے تجارتی خسارے میں بھی نمایاں کمی ریکارڈ کی گئی۔