اکشے کمارکو پاکستان سے محبت مہنگی پڑگئی

پاکستان میں میری فلمیں سب سے زیادہ بزنس کرتی ہیں، اکشے کمار فوٹوفائل

---

ٹوئٹر صارفین نے ایکشن ہیرواکشے کو بھی پاکستان سے محبت کرنے پر شاہ رخ خان کی طرح آڑے ہاتھوں لے لیا۔

بھارت میں پاکستان سے محبت کرنا یا پاکستانیوں کی تعریف کرنا کسی سے برداشت نہیں ہوتا اگر بھارتی فنکار پاکستان کے لیے اپنی محبت کا ذرا سا بھی اظہارکرلیں تو سوشل میڈیا پرانہیں شدید تنقید کا نشانہ بنایا جاتا ہے جس کی سب سے بڑی مثال بالی ووڈ کنگ شاہ رخ خان ہیں جنہیں پاکستان سے متعلق بات کرنے پربھی غدار قراردے دیا جاتا ہے اوران سےفوراً بھارت سے نکل کر پاکستان منتقل ہونے کا مطالبہ کیا جاتا ہے تاہم حال ہی میں اکشے کمارپاکستان سے محبت کے اظہارپربھارتیوں کی تنقید کا نشانہ بن گئے۔

اس خبرکوبھی پڑھیں: پاکستان میں پیدا ہونے والے معروف بالی ووڈ اداکار

اکشے کمار کی ایک پرانی ویڈیوسوشل میڈیا پرگردش کررہی ہےجس میں وہ ایک نجی ٹی وی چینل کو دئیے گئے انٹرویو میں پاکستان سے متعلق اپنی محبت کا اظہارکرتے ہوئے کہہ رہے ہیں پاکستان میں میری فلمیں سب سے زیادہ بزنس کرتی ہیں، جتنا پیاروہاں سے ملتا ہے شاید ہی کہیں اورسے ملتا ہے۔

سوشل میڈیا صارفین کو اکشے کی پاکستان سے محبت ایک آنکھ نہ بھائی اور انہوں نے اکشے کمار کو آڑے ہاتھوں لیتے ہوئے ان پر تنقید کے تیربرسادئیے۔ کچھ صارفین نے کہا اگر یہی بات بالی ووڈ کے تینوں خانزشاہ رخ، سلمان یا عامرخان نے بولی ہوتی تو ہنگامہ کھڑا ہوجاتا جب کہ شاہ رخ کو اس بات پر وطن دشمن قرار دے دیا جاتا اورایک ہفتے تک سوشل میڈیا پرشاہ رخ خان کے خلاف ٹرینڈ گردش کرتا۔

https://twitter.com/AmitKum32463769/status/1089899421737771009

https://twitter.com/Bhai_saheb/status/1089873209116241925

الطاف نامی صارف نے طنزیہ کہا اب بتاؤ اکشے کمار کو دھکے مار کے ملک سے باہر کہاں بھیجا جائے۔

https://twitter.com/BeingAltaff27/status/1089877455244914690