اداروں کے سربراہان کا تقرر کمیشن کانوٹیفکیشن جاری نہ ہوسکا

حکام کے مطابق سربراہان کے تقررکیلیے ایک کمیٹی قائم ہے توپھراسی نوعیت کے ایک اورکمیشن کے قیام کی کیاضرورت ہے۔ فوٹو فائل

---

خودمختار اداروں و کارپوریشنوں کے سربراہان کے صاف شفاف طریقے سے تقرر کیلیے قائم کردہ کمیشن کی وزیراعظم سے منظوری کے باوجودتاحال اسٹیبلشمنٹ ڈویژن کی طرف سے نوٹیفکیشن نہیں کیا جاسکا۔

ذرائع سے دستیاب معلومات کے مطابق وزیراعظم نے اداروںومحکموں کے سربراہان کے تقررکیلیے17جولائی کواعلیٰ سطح کے کمیشن کے قیام کی منظوری دی تھی،نوٹیفکیشن جاری نہ ہونے سے اسٹیبلشمنٹ ڈویژن اوروزارت قانون وانصاف کے حکام اس کمیشن کی تشکیل سے متعلق شکوک وشبہات کااظہارکررہے ہیں۔ حکام کے مطابق سربراہان کے تقررکیلیے ایک کمیٹی قائم ہے توپھراسی نوعیت کے ایک اورکمیشن کے قیام کی کیاضرورت ہے۔