پیٹرولیم مصنوعات کی قیمتوں میں کمی کردی گئی

لائٹ ڈیزل کی قیمت میں 25 پیسے فی لیٹر کمی کردی گئی، ہائی اسپیڈ ڈیزل کی قیمت کو برقرار رکھا گیا ہے (فوٹو: فائل)

---

WASHINGTON: حکومت نے پیٹرولیم مصنوعات کی قیمتوں میں کمی کردی جس کے بعد پیٹرول کی قیمت میں 59 پیسے فی لیٹر کمی کرکے نئی قیمت 90 روپے 38 پیسے مقرر کردی گئی۔

ایکسپریس نیوز کے مطابق وزیر خزانہ نے اوگرا کی سفارشات منظور کرتے ہوئے پیٹرولیم مصنوعات کی قیمتوں میں کمی کردی، پیٹرول فی لیٹر 59 پیسے سستا کردیا گیا۔ کمی کے بعد نئی قیمت 90 روپے 38 پیسے فی لیٹرمقرر کی گئی ہے۔

یہ بھی پڑھیں: حکومت کا پیٹرول اور ڈیزل کی قیمتوں میں کمی کا اعلان

لائٹ ڈیزل کی قیمت میں 25 پیسے فی لیٹر کمی جب کہ ہائی اسپیڈ ڈیزل کی قیمت کو برقرار رکھا گیا ہے۔ مٹی کا تیل 73 پیسے سستا ہوگیا ہے اس کی نئی قیمت 82 روپے 25 پیسے مقرر کی گئی ہے۔ پٹرولیم مصنوعات کی نئی قیمتوں کا اطلاق رات 12 بجے سے ہوگیا۔

واضح رہے کہ گزشتہ ماہ بھی حکومت نے پیٹرولیم مصنوعات کی قیمتوں میں کمی کرتے ہوئے 4 روپے 84 پیسے سستا کیا تھا۔