مولانا فضل الرحمن نے صوابی سے ملین مارچ کی تیاریوں کا آغاز کر دیا

یہ ایک عظیم الشان قومی مظاہرہ ہو گا، مولانا فضل الرحمن فوٹو:فائل

---

جمعیت علمائے اسلام (ف) کے امیر مولانا فضل الرحمن نے 17 فروری کو مردان میں جے یو آئی کے زیر اہتمام ختم نبوت، ناموس رسالت اور ملین مارچ کی تیاریوں کا باقاعدہ آغاز صوابی سے کر دیا۔

اس موقع پر انہوں نے کہا کہ یہ ایک عظیم الشان قومی مظاہرہ ہو گا، انھوں نے تعلیم القرآن شاہ منصور اور بعد ازاں خانقاں نقشبندیہ شاہ منصور میں علماء اور طلبا کے اجتماعات سے خطاب کیا، جب کہ ممتاز عالم دین شیخ القرآن مولانا نورالہادیٰ المعروف صاحب حق اور بعد ازاں عالمی تحفظ ختم نبوت کے مرکزی رہنما و ضلعی امیر مولانا اعزاز الحق کے ساتھ خصوصی ملاقات بھی کی۔

اس موقع پر جے یو آئی کے مرکزی نائب امیر مولانا فضل علی حقانی، صوبائی نائب و ضلعی امیر مولانا عطاء الحق درویش بھی موجود تھے۔