موٹرسائیکل چھیننے کی کوشش ناکام مزاحمت پر نوجوان زخمی

کاشف نے مزاحمت کی تو مسلح افراد نے پستول کے بٹ اور ڈنڈے مار کر اسے شدید زخمی کردیا۔ فوٹو: فائل

---

گاؤں 39 چک کے رہائشی محمد کاشف اپنے 3 سالہ بیٹے عارف کے علاج کے لیے سنجھورو آرہے تھے کہ 3 نامعلوم مسلح افراد نے راؤتیانی روڈ پر اس سے موٹر سائیکل چھیننے کی کوشش کی۔

جس پر کاشف نے مزاحمت کی تو مسلح افراد نے پستول کے بٹ اور ڈنڈے مار کر اسے شدید زخمی کردیا اور نقد رقم چھین کر فرار ہوگئے۔ کاشف جٹ کوشدید زخمی حالت میں تحصیل ہیڈکوارٹر اسپتال سنجھورو لایا گیا جہاں پر ابتدائی طبی امداد کے بعد علاج کیلیے حیدراباد منتقل کردیا گیا۔

واقعے کے بعد شہریوں نے پولیس اسٹیشن سنجھورو پر احتجاج کرتے ہوئے ملزمان کی گرفتاری اور شہریوں کی جان و مال کو تحفظ فراہم کرنے کا مطالبہ کیا۔ سنجھورو تھانہ کی حدود میں بھی ہر طرف سڑکوں پر رہزنوں کا راج ہے۔ ایک ہفتے میں شہری 5 موٹر سائیکلوں اور نقدی سے محروم ہوگئے۔