الیکشن کمیشن کا کہنا ہے کہ صدارتی الیکشن میں حصہ لینے کے خواہش مند امیدوار آج دوپہر 12 بجے تک کاغذات نامزدگی جمع کرائیں گے۔

الیکشن کمیشن نے صدارتی انتخابات کے لئے تمام ہائی کورٹس کے چیف جسٹسز کو پریزائیڈنگ افسران مقرر کیا ہے، الیکشن کمیشن کے مطابق کاغذات نامزدگی ہائی کورٹس کے رجسٹرار کے پاس جمع کرائے جائیں گے جن کی جانچ پڑتال 26 جولائی کو چیف الیکشن کمشنر خود کریں گے، امیدوار 29 جولائی تک کاغذات نامزدگی واپس لے سکتے ہیں جبکہ صدارتی الیکشن 6 اگست کو ہو گا۔