ورون اور شردھا کی ڈانس فلم کا نام اور پوسٹر جاری

فلم ’اسٹریٹ ڈانسر‘ رواں سال 8 نومبر کو سنیما گھروں کی زینت بنے گی۔ فوٹو: سوشل میڈیا

---

ہدایت کار و کوریو گرافر ریمو ڈیسوزا کی ڈانس فرنچائز 'اے بی سی ڈی' کی تیسری فلم کا نام اور پوسٹر سامنے آگیا۔

بالی ووڈ کے نوجوان اداکار ورون دھون ان دنوں ادکارہ شردھا کپور کے ساتھ معروف کوریوگرافر وہدایت کار ریمو ڈیسوزا کی ڈانس فلم کی شوٹنگ میں مصروف ہیں جس کی پہلی دونوں فلمیں 'اے بی سی ڈی' اور 'ای بی سی ڈی ٹو' کامیاب ثابت ہوئی تھی اور کہا جارہا تھا کہ تیسری فلم 'ای بی سی ڈی تھری' کے نام سے ہوگی تاہم اس بار فلم کے نام میں بڑی تبدیلی کی گئی ہے۔

Varun Dhawan and Shraddha Kapoor... Check out their solo posters - their first look - from #StreetDancer... In 3D... Directed by Remo D'Souza... 8 Nov 2019 release. pic.twitter.com/KmOSpKXzKc

— taran adarsh (@taran_adarsh) February 5, 2019

بالی ووڈ کے تجزیہ کار ترن آدرش نے سماجی رابطے کی ویب سائٹ پر ٹوئٹ کرتے ہوئے بتایا کہ ریمو ڈیسوزا کی فلم کا نام ' 'اسٹریٹ ڈانسر' رکھا گیا ہے جب کہ فلم کے دو پوسٹر بھی جاری کردیے گئے ہیں جن میں مرکزی کردار میں دکھائی دینے والے ورون دھون اور شردھا کپور الگ الگ پوسٹر میں نظر آرہے ہیں۔

اس خبر کو بھی پڑھیں؛ کترینہ کیف نے ورون دھون کے ساتھ فلم نہ کرنے کی وجہ بتا دی

واضح رہے فلم 'اسٹریٹ ڈانسر' کے مرکزی کردار کے لیے کترینہ کیف کو آفر کی گئی تھی لیکن انہوں نے سلمان خان کے ساتھ فلم 'بھارت' میں مصروف ہونے کی وجہ سے فلم کرنے سے انکار کردیا تھا جب کہ فلم رواں سال 8 نومبر کو سنیما گھروں کی زینت بنے گی۔