میرپوربٹھورو کے گاؤں میں گروہی تصادم نوجوان قتل

میرپوربٹھورو کے قریب گاؤں سلمان خاص خیلی میں معمولی بات پر میگھواڑ اور خاص خیلی برادری میں تصادم،کلہاڑیوں کے وار سے نوجوان قتل۔

تفصیلات کے مطابق میرپوربٹھورو کے قریب گاؤن سلمان خاص خیلی میں معمولی بات پر تصادم سے کلہاڑیوں کے وار سے 25 سالہ آجو مل سخت زخمی ہو گیا۔ جس کو اسپتال لایا جارہا تھا کہ راستے میں زخموں کی تاب نہ لاتے ہوئے ہلاک ہو گیا، پولیس نے اطلاع ملنے پر لاش قبضے میں لے کر تعلقہ اسپتال سے پوسٹ مارٹم کے بعد ورثاء کے حوالے کر دی۔




اس سلسلے میں جب تھانے سے رابطہ کیا گیا تو ڈیوٹی آفیسر نے بتایا کہ کفن دفن کے بعد مقتول کے والد ویرجی مل آئیں گے، اس کے بعد ہی مقدمہ درج ہو گا جب تک والدکے زبانی درخواست پر صادق خاص خیلی کو پولیس نے تحویل میں لے لیا ہے، تصادم کا ابھی تک کوئی وجہ معلوم نہ ہو سکی۔