جنوبی وزیرستان میں سیکیورٹی فورسز کا آپریشن اسلحہ و گولہ بارود کا ذخیرہ برآمد

جنوبی وزیرستان میں سیکیورٹی فورسز نے سرچ آپریشن کے دوران دہشتگردوں کے ٹھکانے سے اسلحہ اور گولہ بارود کا ذخیرہ برآمد کرلیا۔


پاک فوج کے شعبہ تعلقات عامہ (آئی ایس پی آر) کے مطابق ملک بھر میں ''آپریشن ردالفساد'' کامیابی سے جاری ہے جس کے تحت سیکیورٹی فورسز نے جنوبی وزیرستان کی تحصیل برمل کے گاؤں منارہ میں آپریشن کے دوران بڑی تعداد میں اسلحہ اور بارودی مواد برآمد کرلیا۔

ترجمان پاک فوج کے مطابق آپریشن کے دوران برآمد ہونے والا گولہ بارود دہشت گردوں کے خفیہ ٹھکانے پر چھپایا گیا تھا ، جس میں راکٹ لانچرز، بھاری و ہلکی مشین گنیں اور بڑی تعدا میں گولیوں کے علاوہ بارودی مواد بھی شامل ہے۔