خیبر میڈیکل کالج کے طالب علم نے ہاسٹل میں خود کشی کرلی

ابتدائی تحقیقات سے معلوم ہوا ہے کہ طالبعلم ذہنی تناؤ کا شکار تھا، ڈین کے ایم سی . فوٹو : فائل

---

خیبر میڈیکل کالج میں فائنل ایئر کے طالب علم نے ہاسٹل کے کمرے میں خودکشی کرلی۔

ایکسپریس نیوز کے مطابق 24 سالہ طالب علم تسنیم انجم نے سینا ہال ہاسٹل کے کمرہ نمبر 252 میں پنکھے سے لٹک کر خودکشی کی، طالب علم تسنیم انجم کا تعلق مردان سے ہے۔

خیبر میڈیکل کالج کے ڈین کا کہنا ہے کہ طالب علم کے دوستوں سے پتہ چلا ہے کہ وہ ہونہار طالب علم تھا جب کہ واقعے کی ابتدائی تحقیقات سے معلوم ہوا ہے کہ طالب علم ذہنی تناؤ کا شکار تھا تاہم لاش پوسٹ مارٹم کے لئے مردہ خانہ منتقل کردی گئی۔