163 ملین ڈالر کے ’’نیشنل سنگل ونڈو‘‘ منصوبے کی منظوری

نیشنل سنگل ونڈو پراجیکٹ کیلیے لاجسٹک کے انتظامات کے ساتھ ساتھ درکار افرادی قوت بھرتی کی جائیگی۔

Irshad Ansari February 07, 2019

نیشنل سنگل ونڈو پراجیکٹ کیلیے لاجسٹک کے انتظامات کے ساتھ ساتھ درکار افرادی قوت بھرتی کی جائیگی۔ فوٹو : فائل

ایف بی آر نے 163ملین ڈالر مالیت کے انتہائی اہم منصوبے نیشنل سنگل ونڈو (این ایس ڈبلیو) پراجیکٹ پر عملدرآمد کی منظوری دیدی ہے۔

ایف بی آر کے ماتحت ادارے پاکستان ریونیو آٹومیشن لمیٹڈ (پرال) کے بورڈ آف ڈائریکٹرز نیورلڈ ٹریڈ آرگنائزیشن (ڈبلیو ٹی او) کے ٹریڈ فسیلیٹیشن معاہدہ پر عملدرآمد کیلیے 163ملین ڈالر مالیت کے انتہائی اہم منصوبے نیشنل سنگل ونڈو (این ایس ڈبلیو) پراجیکٹ پر عملدرآمد کی منظوری دیدی ہے جس کے تحت پاکستان ریونیو آٹومیشن لمیٹد نیشنل سنگل ونڈو آفس کے قیام کیلیے جگہ، سافٹ وئیر و ہارڈ وئیر اور نیشنل سنگل ونڈو پراجیکٹ کیلیے لاجسٹک کے انتظامات کے ساتھ ساتھ درکار افرادی قوت بھرتی کی جائیگی۔

''ایکسپریس''کو دستیاب دستاویز کے مطابق یہ منظوری چیئرمین فیڈرل بورڈ آف ریونیو و چیئرمین پاکستان ریونیو آٹومیشن بورڈ لمیٹڈ بورڈ آف ڈائریکٹرز جہانزیب خان کی زیر صدارت ہونیوالے پرال بورڈ کے حالیہ اجلاس میں دی گئی۔