عوامی فلاح و بہبود کی خاطر نظام میں بہتری لانا چاہتے ہیں وزیر اعظم

ہمارامشن ہے کہ بیوروکریسی کو سیاسی مداخلت سے بچایا جائے ،وزیراعظم

اداروں کے بورڈزمیں اچھی شہرت اور اہل افراد کو شامل کیا جارہا ہے،وزیراعظم فوٹو: فائل

وزیر اعظم عمران خان کا کہنا ہے کہ عوامی فلاح و بہبود کی خاطر نظام میں بہتری لانا چاہتے ہیں۔

اسلام آباد میں وزیراعظم عمران خان کی زیرصدارت سول سروس اصلاحات کے لئے ٹاسک فورس کا اجلاس ہوا، اجلاس کے دوران وزیر اعظم نے کہا کہ 60 اور 70 کی دہائی میں پاکستان کی سول سروس خطے کی بہترین سروس تھی، ماضی میں خطے کے ممالک ہم سے سیکھتے رہے، سیاسی مداخلت سے پاکستان میں سول سروس کا زوال شروع ہوا، سول سرونٹس کوبے جا تنگ کرنے سے کام رک جاتا ہے، ہمارا مشن ہے کہ بیوروکریسی کو سیاسی مداخلت سے بچایا جائے۔

وزیراعظم نے کہا کہ ہم عوامی فلاح و بہبود کی خاطرنظام میں بہتری لانا چاہتے ہیں، اس کے لیے نیک نیتی سے اصلاحات کا ایجنڈا لائے ہیں، لوکل گورنمنٹ کا ایسا ماڈل لا رہے ہیں جس میں مقامی نمائندے عوامی فلاح و بہود میں بھرپور کردار ادا کریں گے۔


یہ خبر بھی پڑھیں: وزیراعظم عمران خان نے این آر او سے متعلق خبروں کو مسترد کردیا

وزیر اعظم نے کہا کہ ہمارامشن ہے کہ بیوروکریسی کو سیاسی مداخلت سے بچایا جائے اور ہر تقرری صرف میرٹ کی بنیاد پر کی جائے کیونکہ احتساب اور میرٹ ہی نظام میں بہتری کے رہنما اصول ہیں، موجودہ دور مہارت کا دور ہے ، ہرشعبے میں ماہرافراد ہی کام کرسکتے ہیں۔

یہ خبر بھی پڑھیں: بعض سیاست دانوں نے اپنی دکان چمکانے کیلیے اسلام کا استعمال کیا، وزیرِ اعظم

عمران خان نے کہا کہ دُنیا کے تمام ترقی یافتہ ممالک میں ایک قدر مشترک ہے اور وہ ماہر افراد کی میرٹ پر بھرتی ہے، اداروں کے بورڈز میں اچھی شہرت اور اہل افراد کو شامل کیا جارہا ہے۔ تعلیم اور صحت کے شعبے سب سے زیادہ اہمیت کے حامل ہیں، ہمیں وسائل کے ضیاع کوروکنا ہوگا، ٹاسک فورس ملکی مفادمیں جرات مندانہ سفارشات دے۔
Load Next Story