وزیراعظم آزاد کشمیر کے خلاف تحریک عدم اعتماد واپس لے لی گئی

تحریک واپس لینے کے بعد ہائی کورٹ نے ان 5 ارکان کی اسمبلی رکنیت بھی بحال کردی ہے جن کے استعفے اسپیکر نے منظور کر کے ان کو ڈی نوٹی فائی کردیا تھا۔ فوٹو: فائل

---

MONTREAL: آزاد کشمیر کے وزیر اعظم چوہدری عبدالمجید کے خلاف تحریک عدم اعتماد واپس لے لی گئی ہے۔

وزیر بحالیات عبدالمجاہد اور رکن اسمبلی محمد حسین سرگالہ نے گزشتہ پیر کو وزیر اعظم آزاد کشمیر کے خلاف تحریک عدم اعتماد جمع کرائی تھی تاہم حکومت اور تحریک عدم اعتماد پیش کرنے والوں میں مفاہمت کے بعد فاروڈ بلاک نے اپنی تحریک واپس لینے کا اعلان کردیا جس کے بعد کل قانون ساز اسمبلی کا اجلاس بلا کر تحریک واپس لی جائے گی۔

دوسری جانب ہائی کورٹ نے ان 5 ارکان کی اسمبلی رکنیت بھی بحال کردی ہے جن کے استعفے اسپیکر نے منظور کر کے ان کو ڈی نوٹی فائی کردیا تھا۔