بدین میں چھاپہ لاکھوں کی منشیات برآمد ایک ملزم گرفتار

پولیس نے چھاپے کے دوران مکان سے مشکوک موٹر سائیکل تحویل میں لے لی جب کہ مالک مکان مرتضی کو گرفتار کر لیا۔ فوٹو: فائل

---

بدین پولیس کا شہر کے گنجان آباد علاقے میں واقع مکان پر چھاپہ، لاکھوں روپے مالیت کی منشیات برآمد، ایک ملزم کو بھی گرفتار کر لیا گیا۔

تفصیلات کے مطابق ماڈل تھانہ پولیس انچارج نے بھاری نفری کے ہمراہ شہر کے گنجان آباد علاقے پیر عالی شاہ کوٹ میں واقع ایک مکان پر چھاپہ مار کر فروخت کے لیے رکھی ہوئی لاکھوں روپے مالیت کی دیسی بھنگ کے 50 کٹے برآمد کرلیے۔



پولیس نے چھاپے کے دوران مکان سے مشکوک موٹر سائیکل تحویل میں لے لی جب کہ مالک مکان مرتضی کو گرفتار کر لیا۔ پولیس کے مطابق گرفتار ملزم مرتضی سنگین مقدمات میں ملوث اور منشیات کا کاروبار کرنے والے گروہ کا سرغنہ ہے۔