جیکب آباد کے قریب خوشحال خان خٹک ایکسپریس کی 3 بوگیاں پٹری سے اتر گئیں

ریلوے اسٹیشن قریب ہونے کی وجہ سے ٹرین کی رفتار کم تھی جس کے باعث تمام مسافر محفوظ رہے ۔ فوٹو : فائل

---

کراچی سے پشاور جانے والی خوشحال خان خٹک ایکسپریس جیکب آباد کے قریب بڑے حادثے سے بال بال بچ گئی۔

ایکسپریس نیوز کے مطابق جیکب آباد کے قریب خوشحال خان خٹک ایکسپریس بڑے حادثے سے بال بال بچ گئی، خوشحال خان خٹک ایکسپریس کی ریلوے اسٹیشن جیکب آباد میں داخل ہوتے ہوئے 3 بوگیاں پٹری سے اترگئیں، ریلوے اسٹیشن قریب ہونے کی وجہ سے ٹرین کی رفتار کم تھی، اور خوش قسمتی سے تمام مسافر محفوظ رہے۔

ریلوے ذرائع کا کہنا ہے کہ سکھر اور کوئٹہ کے درمیان رات بھر کسی بھی ٹرین کی آمد ورفت نہیں، جس کا فائدہ اٹھاتے ہوئے صبح تک متاثرہ ٹریک بحال کردیا جائے گا۔