نئی دہلی کے ہوٹل میں آگ لگنے سے 17 افراد ہلاک

ہوٹل میں آگ لگنے کے واقعے کی تحقیقات جاری ہیں۔ فوٹو : بھارتی میڈیا

---

بھارتی دارالحکومت نئی دہلی کے ہوٹل میں آگ لگنے کے نتیجے میں 17 افراد جھلس کر ہلاک جب کہ متعدد زخمی ہوگئے۔

بھارتی میڈیا کے مطابق دارالحکومت نئی دہلی کے کیرول باغ علاقے میں واقع آرپیت پیلس نامی ہوٹل میں اچانک آگ بھڑک اٹھی جس نے دیکھتے ہی دیکھتے شدت اختیار کرلی، آتشزدگی کے نتیجے میں 17 افراد ہلاک جب کہ متعدد زخمی ہوگئے۔

واقعہ کے بعد فائر بریگیڈ کی 22 گاڑیوں نے موقع پر پہنچ کر 4 گھنٹے میں آگ پر قابو پالیا جب کہ ریسکیو ٹیموں نے تقریباً 50 کے قریب افراد کو ہوٹل سے باہر نکالا، زخمیوں کو مقامی اسپتال میں طبی امداد فراہم کی جارہی ہے، 4 کی حالت نازک ہے۔

Karol Bagh hotel fire: People jump off the window to save themselves pic.twitter.com/aRNDEs4QSx

— TOI Delhi (@TOIDelhi) February 12, 2019

پولیس کا کہنا ہے کہ زیادہ تر اموات ہوٹل کے کمروں میں دھواں بھر جانے سے دم گھٹ جانے کے باعث ہوئیں۔ تاحال آتشزدگی کی وجہ کا تعین نہیں کیا جا سکے ہے تاہم شارٹ سرکٹ کو بھی نظر انداز نہیں کیا جا سکتا۔

وزیراعلیٰ اروند کجروال نے افسوسناک واقعے میں ہلاک ہونے والے لواحقین کے لیے 5 لاکھ فی کس امدادی رقم کا اعلان کیا ہے جب کہ وزیراعلیٰ کے حکم پر آتشزدگی کی تحقیقات کے لیے ایک کمیٹی بھی تشکیل دے دی گئی ہے۔

Fire at hotel in Delhi's Karol Bagh pic.twitter.com/YQJdzoWwqL

— TOI Delhi (@TOIDelhi) February 12, 2019