پاکستان اسلامی فوجی اتحاد میں اہم کردار کے لیے تیار

راحیل شریف اسلامی اتحاد کے حوالے سے سعودی حکام کا اہم پیغام لائے ہیں، ایکسپریس ٹریبیون

Kamran Yousuf February 13, 2019

راحیل شریف اسلامی اتحاد کے حوالے سے سعودی حکام کا اہم پیغام لائے ہیں، ایکسپریس ٹریبیون۔ فوٹو : فائل

پاکستان سعودی حکومت کے زیر اہتمام اسلامی فوجی اتحاد برائے انسداد دہشت گردی میں اہم کردارار ادا کرنے کیلیے تیارہے تاہم ایران اور سعودی عرب کے ساتھ دیرینہ تعلقات میں توازن برقرار رکھنے کا خواہشمند بھی ہے۔

اعلی حکومتی اہلکار کے مطابق اسلامی فوجی اتحاد کے سربراہ جنرل راحیل شریف کے دورہ پاکستان انتہائی اہمیت کا حامل ہے کیونکہ گزشتہ روز سابق آرمی چیف نے وزیراعظم عمران خان ، وزیرخارجہ شاہ محمود اور چئیرمیں سینٹ صادق سنجرانی سے اہم ملاقاتیں کی ہیں۔

ایکسپریس ٹریبیون کے مطابق راحیل شریف اسلامی اتحاد کے حوالے سے سعودی حکام کا اہم پیغام لائے ہیں اور اس بارے میں سعودی ولی عہد کے دو روزہ دورے میں تفصیلی بات چیت کا امکان ہے۔