امریکی ریاست فلوریڈا میں فائرنگ حملہ آور سمیت 7 افراد ہلاک

واقعے کی مکمل تحقیقات کے بعد ہی اصل جویات کا تعین کیا جاسکتا ہےتاہم ابھی اس حوالے سے کچھ کہنا قبل ازوقت ہوگا، مقامی حکام۔ فوٹو: ڈبلیوایس وی ین

---

جنوبی فلوریڈا میں رہائشی عمارت میں کئی گھنٹوں تک جاری رہنے والی فائرنگ کے نتیجے میں حملہ آور سمیت 7 افراد ہلاک ہو گئے۔

پولیس کے مطابق میامی سے چند کلومیٹر دور ہیلیا کے علاقے میں قائم 5 منزلہ عمارت میں گھس کر مسلح شخص نے 6 افراد کو فائرنگ کرکے ہلاک کردیا جب کہ پولیس آپریشن کے دوران فائرنگ کے تبادلے میں حملہ آور بھی مارا گیا۔ پولیس کا کہنا ہے کہ حملہ آور نے عمارت کی پانچویں منزل پر 2افراد کو یرغمال بھی بنا رکھا تھا جنہیں بحفاظت بازیاب کرالیا گیا ہے۔

پولیس نے اپارٹمنٹ سے 3 خواتین سمیت 5 افراد کی لاشیں نکال لی ہیں جب کہ مسلح شخص کی فائرنگ کی زد میں آکر ایک شخص اس وقت ہلاک ہوا جب وہ اپنے بچوں کو عمارت میں واقع فلیٹ میں چھوڑ رہا تھا ، مقامی حکام کا کہنا ہے واقعے کی مکمل تحقیقات کے بعد ہی اصل جوہات کا تعین کیا جاسکتا ہےتاہم ابھی اس حوالے سے کچھ کہنا قبل ازوقت ہوگا۔