بھارتی میڈیا پرایک بارپھرماہرہ خان کے حُسن کے چرچے

ایوارڈ تقریب میں ماہرہ آسمانی رنگ کے جھل مل کرتے لباس میں بے حد خوبصورت نظر آئیں۔ فوٹوفائل

---

عالمی شہرت یافتہ پاکستانی اداکارہ ماہرہ خان کے حسن کے دیوانے پاکستان سمیت بھارت میں بھی ہیں، بھارتی میڈیا میں ایک بار پھر ماہرہ کے حسن کے چرچے جاری ہیں اور انہیں ڈزنی پرنسس قرار دیا جارہا ہے۔

حال ہی میں ماہرہ خان نے پاکستانی فلم انڈسٹری میں گراں قدرخدمات انجام دینے پر ڈسٹنکٹیو انٹرنیشنل عرب فیسٹیول ایوارڈ اپنے نام کیا ہے۔ ایوارڈ تقریب میں ماہرہ آسمانی رنگ کے جھل مل کرتے لباس میں بے حد خوبصورت نظرآئیں۔

اس خبرکوبھی پڑھیں: ماہرہ خان نے ایک اور بین الاقوامی اعزاز اپنے نام کرلیا

[instagram-post url="https://www.instagram.com/p/BtzEBQFn__7/"]

ماہرہ کی خوبصورتی کے چرچے جہاں پاکستانی میڈیا پرچھائے رہے وہیں بھارتی میڈیا نے بھی ان کے حسن کی تعریف میں زمین آسمان کےقلابے ملائے۔



بھارتی میڈیا کے مطابق ماہرہ خان ہمیشہ ہی اپنے اسٹائل اورخوبصورتی سے اپنے چاہنے والوں کو مسحورکردیتی ہیں۔

[instagram-post url="https://www.instagram.com/p/BtygzIuhm2X/"]



حال ہی میں دبئی میں منعقد ہونے والی تقریب میں بھی ماہرہ بے حد خوبصورت نظرآئیں، بھارتی میڈیا نے نا صرف ان کے لباس کی تعریف کی بلکہ ان کے ہیئر اسٹائل اورمیک اپ کو بھی بے حد سراہا۔ ماہرہ خان نے ایوارڈ کے ساتھ اپنی تصویر سوشل میڈیا پر شیئر کراتے ہوئے ایوارڈ دینے پر انتظامیہ کا شکریہ اداکیا۔

اس خبرکوبھی پڑھیں: خان بمقابلہ خان؛ سلمان کے مقابلے فواد خان بہترین قرار

[instagram-post url="https://www.instagram.com/p/BtsepB5niU6/"]

واضح رہے کہ ماہرہ خان اورفواد خان کی فلم ''دی لیجنڈ آف مولاجٹ'' کا جتنا انتظار پاکستانی شائقین کو ہے اتنا ہی انتظار ان کے بھارتی مداحوں کو بھی ہے۔ بھارتی میڈیا میں دونوں کی جوڑی اور کیمسٹری کے چرچے ابھی سے ہی شروع ہوگئے ہیں۔

[instagram-post url="https://www.instagram.com/p/BtoW55oH2Np/"]