پی ایس ایل میچز کی میزبانی قذافی اسٹیڈیم میں بھی تیاریاں جاری

کرکٹ کے متوالے لاہور قلندر کے اے بی ڈی ویلیئرزکو 9 مارچ کو ملتان سلطانز کے خلاف اس گراونڈ پر ایکشن میں دیکھ سکیں گے۔فوٹو: فائل

---

پاکستان سپرلیگ فور کے میچز کی میزبانی کیلیے لاہور کے قذافی اسٹیڈیم میں بھی تیاریاں زور وشور سے جاری ہیں۔

پی ایس ایل فور کے ایک ایلیمنیٹرسمیت 3میچز قذافی اسٹیڈیم میں 9، 10 اور 12مارچ کو کھیلے جائیں گے، ڈریسنگ روم کے ساتھ ایک نئی دیوار تعمیر کی جارہی ہے، رنگ وروغن کا مرحلہ بھی جاری ہے۔ مین بلڈنگ کے تیسرے فلور پر پرانے وی آئی پی باکسز کو گرا کر کر نئے بنادیئے گئے ہیں۔

گراونڈ کے گھاس کو تروتازہ رکھنے اورخوبصورتی کے لیے روزانہ پانی دیاجارہاہے۔ پہلے سے موجود 35 سے زیادہ سی سی ٹی وی کیمروں کو دوبارہ فعال بنایاجارہاہے۔کرکٹ کے متوالے لاہور قلندر کے اے بی ڈی ویلیئرزکو 9 مارچ کو ملتان سلطانز کے خلاف اس گراونڈ پر ایکشن میں دیکھ سکیں گے۔