جھڈو شہر نے تشدد کے بعد گلا دباکر بیوی کو قتل کردیا

واقعہ گائوں اکوٹہ شاخ میں پیش آیا، مقتولہ 5 بچوں کی ماں تھی، مقدمہ درج، ملزم کی پہلے ہی 3 بیویاں ہیں، پولیس نے گرفتار کرلیا۔ فوٹو: فائل

---

جھڈو کے نواحی گائوں اکوٹہ شاخ پر شوہر اصغر چانڈیو نے5 بچوں کی ماں اور اپنی حاملہ بیوی 35 سالہ شریفاں کو بیہمانہ تشدد کر کے بعد گلا دبا کر ہلاک کردیا۔

لاش رول ہیلتھ سینٹر جھڈو میں پوسٹ مارٹم کے بعد ورثاء کے حوالے کر دی گئی، پولیس کے مطابق مقتولہ شریفاں کے جسم پر تشدد کے واضح نشانات ہیں اور اس کی موت شوہر کے تشدد سے واقع ہوئی ہے۔



پولیس نے ملزم اصغر چانڈیو کے خلاف زیر دفعہ 302 کے تحت پولیس اسٹیشن نوکوٹ میں مقدمہ درج کر کے اسے گرفتار کر لیا ہے۔ پولیس کے مطابق ملزم مجرمانہ ریکارڈ کا حامل اور پہلے بھی ایک خاتون کے قتل کے مقدمہ میںملوث ہے، ملزم آئے دن اپنی بیوی پر تشدد کرتا تھا، ملزم کی پہلے ہی 3 بیویاں ہیں۔